الشات مع أو ضد؟؟؟؟؟؟؟؟؟؟؟؟

السلام عليكم ورحمة الله وبركاته << أقوله كامل 30 حسنة ما هي لعبة

اليوم حبيت أفتح معاكم موضوع وأتمنى أشوف رائكم

موضوعي مبين من العنوان

عن الشات

يا ترى أنت معاه ولا ضده

ح أبدأ أول

بالنسبة لي بكل صراحة جربت أدخل الشات بس مالقيت شي ينفع

كل واحد يبغى ايميلك

هذا إذا كان طبعا ما يقول ألفاظ ما تنقال أصلا

أو أنه يحط رقمه حتى الشات ما سلم من الترقيم

فسيبته

وبعد فترررررررررة طويلة قررت أدخل وجيت أسوي فيها غاندي

قلت أتناقش مع الناس في مواضيع مفيدة

يعني نسمع أراء بعض ونتحاور

في البداية لقيت تجاوب وانبسطت قلت يا سلام عليا

والنقاش بطريقة محترمة

وبعدين اللي صار

دخلت روم تاني حسيتهم شوية وبشوتوني

قلت أدخل روم أهلنا

ودخلت قلت ح يكون شباب من مجتمعي يكون رأيهم أقرب

وعيونكم ما تشوف إلا النور

سألتهم سؤال بسيط

ليش تدخل الشات ايش تبغى

سألني قلتله نتناقش نتعلم من بعض

قلي روحي المدرسة الشات ما ينفع

لأنه هو وجهة نظره للشات أنه يبغى يكون له علاقات وبس

وقتها حسيت نفسي رخيصة كون هذي نظرته ليا

قلت إذا أختك تبغى تدخل الشات قام يهدد ويتوعد ايش راح يسوي فيها من هوايل

قلته ليش أنت ايوة وهي لا يقول أنا رجال ماراح يطيح شي براسي موزيها

ونعم التناقض

عرفت لحظتها أنه ما من الشات رجى وإذا أبغى أتناقش أخليه في منتدانا العزيز حتى لو أسمع الرد بعد سنة ولا نظرة الاحتقار اللي تتوجه لي

وأصابع الاتهام

مع العلم ترى حتى أول نقاش كان جيد بس في الأخير يقولي أرسيلي لي ايميلك قلتله لو إني أختك ترضى بكل صراحة قال ما أدري ايش أرد لك

فمن خلال تجربتي

حكمت بأني أنا ضد الشات

فأحب أسمع آرائكم ونستمر في النقاش

ضد ضد ضد ضد ضد

اسعدني مرورك